Құрылғы таңдауларын конфигурациялау

Барлығын жаю | Барлығын жию

Құрылғы таңдаулары параметрлерін конфигурациялау үшін:

1. Консоль ағашында Құрылғы таңдаулары қалтасын таңдаңыз.
2. Қалтаның жұмыс аймағында Таңдау қойыншасына өтіп, реттелмелі құрылғы таңдаулары тізіміндегі өзіңізге қажетті құрылғы таңдауларын таңдаңыз.
3. Таңдау сипаттары түймесін басыңыз.
4. Ашылған сипаттар терезесінде келесі параметрлерді белгілеңіз:
   • Таңдаудың жалпы параметрлері.
   • Құрылғы осы таңдауға қосылуы үшін орындалуы керек шарттар. Шарттарды конфигурациялау үшін шарттардың атауын таңдап, Сипаттар түймесін басыңыз.
   • Қауіпсіздік параметрлері.
5. OK түймесін басыңыз.

Параметрлер қолданылған және сақталған.

Төменде құрылғыларды таңдауға жатқызу шарттарының параметрлері сипатталған. Шарттар логикалық "немесе" бойынша біріктіріледі: ұсынылған шарттардың кем дегенде біреуін қанағаттандыратын құрылғылар таңдауға түседі.

Жалпы

Жалпы бөлімінде таңдау шартының атауын өзгертуге және осы шартты кері қайтару қажет пе екенін көрсетуге болады:

Таңдау шартын кері қайтару

Желі

Желі бөлімінде құрылғыларды олардың желілік деректері негізінде таңдауға қосу өлшемшарттарын конфигурациялауға болады:

• Құрылғының атауы немесе IP мекенжайы

  Windows желісіндегі құрылғы атауы (NetBIOS атауы) немесе IPv4 мекенжайы не IPv6 мекенжайы.

• Windows домені

  Көрсетілген Windows доменіне кіретін барлық құрылғылар көрсетіледі.

• Басқару тобы

  Көрсетілген басқару тобына кіретін құрылғылар көрсетіледі.

• Сипаттама

  Құрылғы сипаттары терезесінде қамтылған мәтін: Жалпы бөлімінің Сипаттама өрісінде.

  Сипаттама мәтінінде келесі таңбаларды қолдануға болады:

  • Бір сөздің ішінде:
    • *. 0 немесе одан да көп таңбадан ұзын кез келген жолды алмастырады.

    Мысалы:

    Сервер, Серверлік сөздерін сипаттау үшін Сервер* жолын қолдануға болады.

    • ?. Кез келген бір таңбаны ауыстырады.

    Мысалы:

    Құралдар немесе Құралдан сөздерін сипаттау үшін Құралда? жолын қолдануға болады.

    Жұлдызша (*) немесе сұрақ белгісі (?) мәтін сипаттамасында бірінші таңба ретінде қолданылуы мүмкін емес.

  • Бірнеше сөздерді байланыстыру үшін:
    • Бос орын. Сипаттамаларында аталған сөздердің кез келгені бар барлық құрылғыларды көрсетеді.

    Мысалы:

    Қосалқы немесе Виртуалдық сөзін қамтитын сөйлемшені сипаттау үшін Қосалқы Виртуалды жолын қолдануға болады.

    • +. Сөздің алдында жазған кезде, мәтінде сөздің міндетті түрде болуын білдіреді.

    Мысалы:

    Қосалқы сөзін де, Виртуалды сөзін де қамтитын сөйлемшені сипаттау үшін +Қосалқы+Виртуалды жолын қолдануға болады.

    • -. Сөздің алдында жазған кезде, мәтінде сөздің міндетті түрде болмауын білдіреді.

    Мысалы:

    Қосалқы сөзі болуы, бірақ Виртуалды сөзі болмауы тиісті сөйлемшені сипаттау үшін +Қосалқы-Виртуалды жолын қолдануға болады.

    • "<мәтін үзіндісі>". Тырнақшаға алынған мәтін үзіндісі мәтінде толығымен болуы керек.

    Мысалы:

    Қосалқы Сервер сөзтіркесін қамтитын сөйлемшені сипаттау үшін, "Қосалқы Сервер" жолын қолдануға болады.

• IP ауқымы

  Бұл параметр қосулы болса, енгізу өрістерінде сіз іздеген құрылғылар кіруі тиісті аралықтың бастапқы және соңғы IP мекенжайларын көрсетуге болады.

  Әдепкі бойынша, параметр өшірулі.

Тегтер

Тегтер бөлімінде бұған дейін басқарылатын құрылғылардың сипаттамаларына қосылған кілт сөздер (тегтер) бойынша құрылғыларды таңдауға қосу өлшемшарттарын конфигурациялауға болады:

• Кем дегенде бір көрсетілген тег сәйкес келген жағдайда қолдану

  Егер бұл параметр қосулы болса, іздеу нәтижелерінде сипаттамасында таңдалған тегтердің кемінде біреуі бар құрылғылар көрсетіледі.

  Егер бұл параметр өшірулі болса, іздеу нәтижелерінде тек сипаттамаларында барлық таңдалған тегтері бар құрылғылар көрсетіледі.

  Әдепкі бойынша, параметр өшірулі.

• Тег болуы керек

  Егер бұл нұсқа таңдалса, іздеу нәтижелерінде сипаттамасында таңдалған тегі бар құрылғылар көрсетіледі. Құрылғыларды іздеу үшін 0 немесе одан да ұзын таңбалардан тұратын кез келген жолды ауыстыратын * таңбасын пайдалануға болады.

  Әдепкі бойынша, осы нұсқа таңдалған.

• Тег болмауы керек

  Егер бұл нұсқа таңдалса, іздеу нәтижелерінде сипаттамасында таңдалған тегі жоқ құрылғылар көрсетіледі. Құрылғыларды іздеу үшін 0 немесе одан да ұзын таңбалардан тұратын кез келген жолды ауыстыратын * таңбасын пайдалануға болады.

Active Directory

Active Directory бөлімінде құрылғыларды олардың Active Directory деректері негізінде таңдауға қосу өлшемшарттарын конфигурациялауға болады:

• Құрылғы Active Directory ұйымдық бөлімшесінде орналасқан

  Егер бұл параметр қосулы болса, енгізу өрісінде көрсетілген Active Directory бөлімшесіндегі құрылғылар таңдауға қосылады.

  Әдепкі бойынша, параметр өшірулі.

• Еншілес ұйымдық бөлімшелерін қосу

  Бұл параметр қосулы болса, Active Directory көрсетілген ұйымдық бірлігінің еншілес бөлімшелеріне кіретін құрылғылар таңдауға қосылады.

  Әдепкі бойынша, параметр өшірулі.

• Құрылғы Active Directory тобының мүшесі болып табылады

  Егер бұл параметр қосулы болса, енгізу өрісінде көрсетілген Active Directory тобындағы құрылғылар таңдауға қосылады.

  Әдепкі бойынша, параметр өшірулі.

Желілік белсенділік

Желілік белсенділік бөлімінде құрылғыларды олардың желілік белсенділігі негізінде таңдауға қосу өлшемшарттарын конфигурациялауға болады:

• Бұл құрылғы тарату нүктесі болып табылады

  Ашылмалы тізімде, іздеу кезінде құрылғыларды таңдау құрамына қосу өлшемшартын таңдауға болады:

  • Иә. Таңдауға тарату нүктелері болып табылатын құрылғылар қосылады.
  • Жоқ. Тарату нүктелері болып табылатын құрылғылар таңдауға қосылмайды.
  • Мән таңдалмаған. Өлшемшарт қолданылмайды.
• Басқару серверімен байланысты үзбеу

  Ашылмалы тізімде, іздеу кезінде құрылғыларды таңдау құрамына қосу өлшемшартын таңдауға болады:

  • Қосулы. Таңдау Басқару серверімен байланысты үзбеу жалаушасы қойылған құрылғыларды қамтиды.
  • Өшірулі. Таңдау Басқару серверімен байланысты үзбеу жалаушасы алынған құрылғыларды қамтиды.
  • Мән таңдалмаған. Өлшемшарт қолданылмайды.
• Қосылым профилі ауыстырылды

  Ашылмалы тізімде, іздеу кезінде құрылғыларды таңдау құрамына қосу өлшемшартын таңдауға болады:

  • Иә. Таңдауға қосылым профилін ауыстырып қосу нәтижесінде Басқару серверіне қосылған құрылғылар кіреді.
  • Жоқ. Таңдауға қосылым профилін ауыстырып қосу нәтижесінде Басқару серверіне қосылған құрылғылар кірмейді.
  • Мән таңдалмаған. Өлшемшарт қолданылмайды.
• Басқару серверіне соңғы қосылу уақыты

  Осы жалаушаны пайдаланып, Басқару серверіне соңғы қосылу уақыты бойынша құрылғыларды іздеу өлшемшартын белгілей аласыз.

  Егер жалауша қойылса, енгізу өрістерінде, клиент құрылғысында орнатылған Желілік агенттің Басқару серверіне соңғы қосылуы орындалған аралықтың мәндерін (күні мен уақыты) көрсетуге болады. Таңдауға белгіленген аралыққа сәйкес келетін құрылғылар қосылады.

  Егер жалауша алынып тасталса, онда өлшемшарт қолданылмайды.

  Әдепкі бойынша, жалауша алынып тасталған.

• Жаңа құрылғылар желі сауалнамасымен анықталды

  Соңғы бірнеше күнде желіде сауалнама өткізу кезінде табылған жаңа құрылғыларды іздеу.

  Егер бұл параметр қосулы болса, онда Анықтау кезеңі (тәу) өрісінде көрсетілген күндер санында құрылғыларды анықтау процесінде табылған жаңа құрылғылар ғана таңдауға қосылады.

  Егер бұл параметр өшірулі болса, онда құрылғыны анықтау процесінде табылған барлық құрылғылар таңдауға қосылады.

  Әдепкі бойынша, параметр өшірулі.

• Құрылғы көрінеді

  Ашылмалы тізімде, іздеу кезінде құрылғыларды таңдау құрамына қосу өлшемшартын таңдауға болады:

  • Иә. Бағдарлама қазіргі уақытта желіде көрінетін құрылғыларды таңдауға қосады.
  • Жоқ. Бағдарлама қазіргі уақытта желіде көрінбейтін құрылғыларды таңдауға қосады.
  • Мән таңдалмаған. Өлшемшарт қолданылмайды.

Бағдарлама

Бағдарлама бөлімінде құрылғыларды таңдалған басқарылатын бағдарламаның негізінде таңдауға қосу өлшемшарттарын конфигурациялауға болады:

• Бағдарлама атауы

  Ашылмалы тізімде, "Лаборатория Касперского" бағдарламасының атауы бойынша іздеу кезінде құрылғыларды таңдау құрамына қосу өлшемшартын таңдауға болады.

  Тізімде, әкімшінің жұмыс станциясында басқару плагиндері орнатылған бағдарламалардың атаулары ғана берілген.

  Егер бағдарлама таңдалмаса, онда өлшемшарт қолданылмайды.

• Бағдарламаның нұсқасы

  Енгізу өрісінде "Лаборатория Касперского" бағдарламасы нұсқасының нөмірі бойынша іздеу кезінде құрылғыларды таңдау құрамына қосу өлшемшартын көрсетуге болады.

  Егер нұсқа нөмірі көрсетілмесе, онда өлшемшарт қолданылмайды.

• Критикалық жаңартудың атауы

  Енгізу өрісінде бағдарлама үшін белгіленген жаңарту пакетінің атауы немесе нөмірі бойынша іздеу кезінде құрылғыларды таңдау құрамына қосу өлшемшартын көрсетуге болады.

  Егер өріс толтырылмаса, онда өлшемшарт қолданылмайды.

• Модульдердің соңғы рет жаңартылған уақыты

  Бұл параметрдің көмегімен құрылғыларда орнатылған бағдарлама модульдерінің соңғы рет жаңартылған уақыты бойынша құрылғыларды іздеу өлшемшартын белгілеуге болады.

  Егер жалауша қойылса, енгізу өрістерінде құрылғыларда орнатылған бағдарлама модульдерінің соңғы жаңартылуы орындалған аралық мәндерін (күні мен уақыты) көрсетуге болады.

  Егер жалауша алынып тасталса, онда өлшемшарт қолданылмайды.

  Әдепкі бойынша, жалауша алынып тасталған.

• Құрылғы Kaspersky Security Center арқылы басқарылады

  Ашылмалы тізімде Kaspersky Security Center басқаратын құрылғыларды таңдау құрамына қосуға болады:

  • Иә. Бағдарлама Kaspersky Security Center басқаратын құрылғыларды таңдауды қамтиды.
  • Жоқ. Бағдарлама Kaspersky Security Center Linux басқармайтын құрылғыларды таңдауды қамтиды.
  • Мән таңдалмаған. Өлшемшарт қолданылмайды.
• Қауіпсіздік бағдарламасы орнатылған

  Ашылмалы тізімде қауіпсіздік бағдарламасы орнатылған құрылғыны таңдау құрамына қосуға болады:

  • Иә. Бағдарлама, қауіпсіздік бағдарламасы орнатылған құрылғыларды таңдауға қосады.
  • Жоқ. Бағдарлама, қауіпсіздік бағдарламасы орнатылмаған құрылғыларды таңдауға қосады.
  • Мән таңдалмаған. Өлшемшарт қолданылмайды.

Операциялық жүйе

Операциялық жүйе бөлімінде, орнатылған операциялық жүйенің негізінде құрылғыларды таңдауға қосу өлшемшарттарын конфигурациялауға болады.

• Операциялық жүйенің нұсқасы

  Егер жалауша қойылса, тізімнен операциялық жүйелерді таңдауға болады. Көрсетілген операциялық жүйелер орнатылған құрылғылар іздеу нәтижелеріне қосылады.

• Операциялық жүйенің биттік өлшемі

  Ашылмалы тізімде операциялық жүйенің биттік өлшемін таңдауға болады, оның болуы бойынша құрылғыға құрылғыны жылжыту ережесі қолданылады (Белгісіз, x86, AMD64 немесе IA64). Әдепкі бойынша, тізімде бірде-бір нұсқа таңдалмаған, операциялық жүйенің биттік өлшемі белгіленбеген.

• Операциялық жүйенің қызметтік бума нұсқасы

  Өрісте орнатылған операциялық жүйе пакетінің нұсқасын көрсетуге болады (X.Y пішімінде), оның болуы бойынша құрылғыға құрылғыны жылжыту ережесі қолданылады. Әдепкі бойынша, нұсқаның мәндері белгіленбеген.

• Операциялық жүйе құрастырылымы

  Бұл параметр тек Windows операциялық жүйелері үшін қолданылады.

  Операциялық жүйенің жинақ нөмірі. Таңдалған операциялық жүйеде тең, анағұрлым ерте немесе анағұрлым кеш жинақ нөмірі болуы керек пе екенін көрсетуге болады. Сондай-ақ, көрсетілгеннен басқа барлық жинақ нөмірлерін іздеуді конфигурациялауға болады.

• Операциялық жүйе шығарылымының идентификаторы

  Бұл параметр тек Windows операциялық жүйелері үшін қолданылады.

  Операциялық жүйе шығарылымының идентификаторы. Таңдалған операциялық жүйеде тең, анағұрлым ерте немесе анағұрлым кеш шығарылым идентификаторы болуы керек пе екенін көрсетуге болады. Сондай-ақ, көрсетілгеннен басқа барлық шығарылым идентификаторы нөмірлерін іздеуді конфигурациялауға болады.

Құрылғының күйі

Құрылғының күйі бөлімінде, басқарылатын бағдарламадан құрылғы күйінің сипаттамасы бойынша таңдауға құрылғыларды қосу өлшемшарттарын конфигурациялауға болады:

• Құрылғының күйі

  Құрылғы күйлерінің бірін таңдауға болатын ашылмалы тізім: OK, Критикалық немесе Ескерту.

• Құрылғы күйінің сипаттамасы

  Бұл өрісте шарттар үшін жалаушалар қоюға болады, оларды ұстанған кезде құрылғыға таңдалған күй тағайындалатын болады: OK, Критикалық немесе Ескерту.

• Бағдарлама анықтаған құрылғы күйі

  Нақты уақыт режимінде қорғау тапсырмасы күйінің мәнін таңдауға болатын ашылмалы тізім. Нақты уақыт режимінде қорғау күйі көрсетілген құрылғылар таңдауға қосылады.

Қорғаныс компоненттері

Қорғаныс компоненттері бөлімінде құрылғыларды қорғаныс күйі бойынша таңдауға қосу өлшемшарттарын конфигурациялауға болады:

• Дерекқорлардың шығарылған күні

  Осы параметр таңдалса, клиент құрылғыларын іздеу антивирустық дерекқордың шығарылу күні бойынша орындалады. Енгізу өрістерінде іздеу жүргізілетін уақыт аралығын белгілеуге болады.

  Әдепкі бойынша, параметр өшірулі.

• Вирустарға соңғы рет тексеру уақыты

  Егер бұл параметр қосулы болса, клиент құрылғыларын іздеу соңғы рет зиянды БҚ іздеу уақыты бойынша жүзеге асырылады. Енгізу өрістерінде зиянды БҚ іздеу соңғы рет жүргізілген аралықты көрсетуге болады.

  Әдепкі бойынша, параметр өшірулі.

• Анықталған қауіптердің жалпы саны

  Егер бұл параметр қосулы болса, клиент құрылғыларын іздеу табылған вирустар санына сәйкес жүзеге асырылады. Енгізу өрістерінде табылған вирустар санының төменгі және жоғарғы мәндерін орнатуға болады.

  Әдепкі бойынша, параметр өшірулі.

Бағдарламалар тізімдемесі

Бағдарламалар тізімдемесі бөлімінде қандай бағдарламалар орнатылғанына байланысты құрылғыларды таңдауға қосу өлшемшарттарын конфигурациялауға болады:

• Бағдарлама атауы

  Бағдарламаны таңдауға болатын ашылмалы тізім. Көрсетілген бағдарлама орнатылған құрылғылар таңдауға қосылады.

• Бағдарламаның нұсқасы

  Таңдалған бағдарламаның нұсқасын көрсететін енгізу өрісі.

• Өндіруші

  Құрылғыда орнатылған бағдарламаның өндірушісін таңдауға болатын ашылмалы тізім.

• Бағдарлама күйі

  Бағдарлама күйін таңдауға болатын ашылмалы тізім (Орнатылған, Орнатылмаған). Таңдалған күйге байланысты, аталған бағдарлама орнатылған немесе орнатылмаған құрылғылар таңдауға қосылады.

• Жаңарту бойынша іздеу

  Егер бұл параметр қосулы болса, іздеу сіз іздеген құрылғыларда орнатылған бағдарламаларды жаңарту деректері бойынша орындалады. Жалауша қойылғаннан кейін, Бағдарлама атауы, Бағдарламаның нұсқасы және Бағдарлама күйі өрістерінің орнына сәйкесінше Жаңартудың атауы, Жаңартудың нұсқасы және Күйі өрістері көрсетіледі.

  Әдепкі бойынша, параметр өшірулі.

• Үйлесімді емес қауіпсіздік бағдарламасының атауы

  Үшінші тарап қауіпсіздік бағдарламаларын таңдауға болатын ашылмалы тізім. Іздеу кезінде, таңдалған бағдарлама орнатылған құрылғылар таңдауға қосылады.

• Бағдарлама тегі

  Ашылмалы тізімнен бағдарлама тегін таңдауға болады. Сипаттамада таңдалған тегі бар бағдарламалар орнатылған барлық құрылғылар құрылғылар таңдауына қосылады.

• Көрсетілген тегтерсіз құрылғыларға қолдану

  Параметр қосулы болса, онда таңдауға, сипаттамасында таңдалған тегтері жоқ құрылғылар қосылады.

  Бұл параметр өшірулі болса, өлшемшарт қолданылмайды.

  Әдепкі бойынша, параметр өшірулі.

Жабдық тізімдемесі

Жабдық тізімдемесі бөлімінде құрылғыларды оларға орнатылған жабдық бойынша таңдауға қосу өлшемшарттарын конфигурациялауға болады:

• Құрылғы

  Ашылмалы тізімнен жабдық түрін таңдауға болады. Мұндай жабдықтары бар барлық құрылғылар іздеу нәтижесіне қосылған.

  Өрісте толық мәтінді іздеуге қолдау көрсетіледі.

• Өндіруші

  Ашылмалы тізімнен жабдық өндірушісінің атауын таңдауға болады. Мұндай жабдықтары бар барлық құрылғылар іздеу нәтижесіне қосылған.

  Өрісте толық мәтінді іздеуге қолдау көрсетіледі.

• Құрылғы атауы

  Windows желісіндегі құрылғының атауы. Көрсетілген атауы бар құрылғы таңдауға қосылады.

• Сипаттама

  Құрылғының немесе жабдықтың сипаттамасы. Өрісте көрсетілген сипаттамасы бар құрылғылар таңдау құрамына енгізіледі.

  Құрылғының сипаттамасын құрылғының сипаттары терезесінде еркін түрде енгізуге болады. Өрісте толық мәтінді іздеуге қолдау көрсетіледі.

• Құрылғы өндірушісі

  Құрылғы өндірушісінің атауы. Өрісте көрсетілген өндіруші жасаған құрылғылар таңдау құрамына енгізіледі.

  Өндірушінің атауын құрылғының сипаттары терезесінде енгізуге болады.

• Сериялық нөмір

  Өрісте көрсетілген сериялық нөмірі бар жабдық таңдауға қосылады.

• Қойма нөмірі

  Өрісте көрсетілген қойма нөмірі бар жабдық таңдауға қосылады.

• Пайдаланушы

  Өрісте көрсетілген пайдаланушының аппараттық жасақтамасы таңдауға қосылады.

• Орналасуы

  Құрылғының немесе жабдықтың орналасқан жері (мысалы, кеңседе немесе филиалда). Өрісте көрсетілген жерде орналасқан компьютерлер немесе басқа құрылғылар таңдау құрамына кіреді.

  Жабдықтың орналасуын жабдықтың сипаттары терезесінде еркін түрде енгізуге болады.

• Орталық процессор жиілігі, МГц түрінде

  Орталық процессор жиіліктері ауқымы. Енгізу өрістеріндегі (қоса алғанда) жиіліктер ауқымына сәйкес келетін орталық процессорлары бар құрылғылар таңдау құрамына енгізіледі.

• Орталық процессордың виртуалды ядролар саны

  Орталық процессордың виртуалды ядролар саны ауқымы. Енгізу өрістеріндегі (қоса алғанда) ауқымға сәйкес келетін орталық процессорлары бар құрылғылар таңдау құрамына енгізіледі.

• Қатты дискінің көлемі, ГБ түрінде

  Құрылғының қатты дискісі көлемі мәндерінің ауқымы. Енгізу өрістеріндегі (қоса алғанда) ауқымға сәйкес келетін қатты дискілері бар құрылғылар таңдау құрамына енгізіледі.

• Жедел жадтың көлемі, МБ түрінде

  Құрылғының жедел жады көлемі мәндерінің ауқымы. Енгізу өрістеріндегі (қоса алғанда) ауқымға сәйкес келетін жедел жады бар құрылғылар таңдау құрамына енгізіледі.

Виртуалды машиналар

Виртуалды машиналар бөлімінде, бұл құрылғылардың виртуалды машиналар немесе Virtual Desktop Infrastructure бөлігі екендігіне байланысты құрылғыларды таңдауға қосу өлшемшарттарын конфигурациялауға болады:

• Виртуалды машина болып табылады

  Ашылмалы тізімнен келесі элементтерді таңдауға болады:

  • Маңызды емес.
  • Жоқ. Ізделетін құрылғылар виртуалды машиналар болмауы керек.
  • Иә. Ізделетін құрылғылар виртуалды машиналар болуы керек.
• Виртуалды машинаның түрі

  Ашылмалы тізімнен виртуалды машина өндірушісін таңдауға болады.

  Бұл тізім Виртуалды машина болып табылады ашылмалы тізімінде Иә немесе Маңызды емес мәні таңдалған болса қолжетімді.

• Virtual Desktop Infrastructure бөлігі

  Ашылмалы тізімнен келесі элементтерді таңдауға болады:

  • Маңызды емес.
  • Жоқ. Ізделетін құрылғылар Virtual Desktop Infrastructure бөлігі болмауы тиіс.
  • Иә. Ізделетін құрылғылар Virtual Desktop Infrastructure (VDI) бөлігі болуы тиіс.

Осалдықтар мен жаңартулар

Осалдықтар мен жаңартулар бөлімінде, құрылғыларды Windows Update жаңарту көздері бойынша таңдауға қосу өлшемшарттарын конфигурациялауға болады:

WUA Басқару серверіне ауысты

Пайдаланушылар

Пайдаланушылар бөлімінде құрылғыларды операциялық жүйеге кірген пайдаланушылардың есептік жазбалары бойынша таңдауға қосу өлшемшарттарын конфигурациялауға болады.

• Жүйеге соңғы кірген пайдаланушы

  Егер бұл параметр қосылса, Шолу түймесін басқан кезде пайдаланушы есептік жазбасын көрсетуге болады. Іздеу нәтижелеріне, жүйеге соңғы рет кіруді көрсетілген пайдаланушы орындаған құрылғылар кіреді.

• Жүйеге кемінде бір рет кірген пайдаланушы

  Егер бұл параметр қосылса, Шолу түймесін басқан кезде пайдаланушы есептік жазбасын көрсетуге болады. Іздеу нәтижелеріне, аталған пайдаланушы жүйеге кемінде бір рет кірген құрылғылар кіреді.

Басқарылатын бағдарламалардағы күйге әсер ететін мәселелер

Басқарылатын бағдарламалардағы күйге әсер ететін мәселелер бөлімінде, басқарылатын бағдарлама анықтаған ықтимал мәселелер тізіміне сәйкес құрылғыларды таңдауға қосу өлшемшарттарын конфигурациялауға болады. Егер сіз таңдаған құрылғыда кем дегенде бір мәселе болса, құрылғы таңдауға қосылады. Бірнеше бағдарлама үшін көрсетілген мәселені таңдағанда, сізде барлық тізімдерде осы мәселені автоматты түрде таңдау мүмкіндігі болады.

Құрылғы күйінің сипаттамасы

Басқарылатын бағдарламалардың құрамдастарының күйлері

Басқарылатын бағдарламалардың құрамдастарының күйлері бөлімінде, басқарылатын бағдарламалардың құрамдастарының күйлері бойынша құрылғыларды таңдауға қосу өлшемшарттарын конфигурациялауға болады:

• Деректердің жайылып кетуіне жол бермеу күйі

  Деректердің жайылып кетуінен қорғау құрамдасының күйі бойынша құрылғыларды іздеу (Құрылғыдан деректер жоқ, Тоқтатылды, Іске қосылды, Кідіртілді, Орындалуда, Сәтсіз аяқталды).

• Бірлескен жұмыс серверлерінің қорғаныс күйі

  Бірлескен жұмыс серверлері үшін қорғау күйі бойынша құрылғыларды іздеу (Құрылғыдан деректер жоқ, Тоқтатылды, Іске қосылды, Кідіртілді, Орындалуда, Сәтсіз аяқталды).

• Пошталық серверлердің антивирустық қорғаныс күйі

  Пошта серверінің қорғау күйі бойынша құрылғыларды іздеу (Құрылғыдан деректер жоқ, Тоқтатылды, Іске қосылды, Кідіртілді, Орындалуда, Сәтсіз аяқталды).

• Endpoint Sensor күйі

  Құрылғыларды Endpoint Sensor құрамдасының күйі бойынша іздеу (Құрылғыдан деректер жоқ, Тоқтатылды, Іске қосылды, Кідіртілді, Орындалуда, Сәтсіз аяқталды).

Шифрлау

Шифрлау алгоритмі

Бұлттық сегменттер

Бұлттық сегменттер бөлімінде, бұлттық сегменттерге сәйкес құрылғыларды таңдауға қосу өлшемшарттарын конфигурациялауға болады:

• Құрылғы бұлттық сегментте орналасқан

  Егер бұл параметр қосылса, Шолу түймесін басқан кезде іздеу сегментін көрсетуге болады.

  Қосалқы нысандарды қосу параметрі де қосулы болса, іздеу көрсетілген сегменттің барлық салынған нысандары бойынша жүргізіледі.

  Іздеу нәтижелеріне тек таңдалған сегменттегі құрылғылар кіреді.

• Құрылғы API арқылы табылды

  Ашылмалы тізімнен, құрылғының API құралдарымен анықталады ма екенін таңдауға болады:

  • AWS. Құрылғы AWS API арқылы табылды, яғни құрылғы AWS бұлтты ортасында орналасқан.
  • Azure. Құрылғы Azure API арқылы табылды, яғни құрылғы Azure бұлтты ортасында орналасқан.
  • Google Cloud. Google Cloud. Құрылғы Google API арқылы табылды, яғни құрылғы Google Cloud бұлтты ортасында орналасқан.
  • Жоқ. Құрылғы AWS, Azure немесе Google API арқылы табылмайды, яғни ол бұлтты ортадан тыс жерде немесе бұлтты ортада, бірақ API көмегімен іздеу үшін қолжетімді емес.
  • Көрсетілмеген. Бұл шарт қолданылмайды.

Бағдарлама құрамдастары

Бұл бөлімде Басқару консолінде орнатылған тиісті басқару плагиндері бар бағдарламалар құрамдастарының тізімі келтірілген.

Бағдарлама құрамдастары қойыншасында, таңдалған бағдарламаға қатысты құрамдастар нұсқаларының нөмірлеріне сәйкес құрылғыларды іріктеуге қосу өлшемшартын белгілеуге болады:

• Күйі

  Басқарылатын бағдарлама Басқару серверіне жіберген құрамдастың күйіне сәйкес құрылғыларды іздеу. Сіз келесі күйлердің бірін таңдай аласыз: Құрылғыдан деректер жоқ, Тоқтатылды, Іске қосылды, Кідіртілді, Орындалуда, Сәтсіз аяқталды немесе Орнатылмаған. Егер басқарылатын құрылғыда орнатылған бағдарламаның таңдалған құрамдасы көрсетілген күйге ие болса, құрылғы құрылғыны таңдауға кіреді.

  Бағдарламалар жіберген күйлер:

  • Іске қосылды – құрамдас қазіргі уақытта инициализация процесінде.
  • Орындалуда – құрамдас қосулы және дұрыс жұмыс істейді.
  • Кідіртілді – құрамдас, мысалы, пайдаланушы басқарылатын бағдарламада қорғанысты кідірткеннен кейін кідіртіледі.
  • Сәтсіз аяқталды – құрамдастың операциясын орындау кезінде қате пайда болды.
  • Тоқтатылды – құрамдас өшірілген және қазіргі уақытта жұмыс істемейді.
  • Орнатылмаған – пайдаланушы бағдарламаны іріктеп орнату кезінде орнату құрамдасын таңдамады.

  Басқа күйлерден айырмашылығы, Құрылғыдан деректер жоқ күйін басқарылатын бағдарлама жібермейді. Бұл параметр, бағдарламаларда таңдалған құрамдас күйі туралы ақпарат жоқ екенін көрсетеді. Мысалы, бұл жағдай, таңдалған құрамдас құрылғыда орнатылған бағдарламалардың ешқайсысына тиесілі болмаса немесе құрылғы өшірулі болса, орын алуы мүмкін.

• Нұсқа

  Тізімде таңдалған құрамдас нұсқасының нөміріне сәйкес құрылғыларды іздеу. Сіз 3.4.1.0 сияқты нұсқа нөмірін енгізе аласыз, содан кейін таңдалған құрамдастың тең, анағұрлым ерте немесе анағұрлым кейінгі нұсқасы болуы керек пе екенін көрсете аласыз. Сондай-ақ, іздеуді көрсетілген нұсқадан басқа құрамдастың барлық нұсқалары бойынша конфигурациялауға болады.

Басына оралу